கூட்டணி குறித்து இன்னும் ஆறு மாதம் கழித்து தான் முடிவெடுக்கப்படும் என பாமக நிறுவனர் ராமதாஸ் தெரிவித்துள்ளார்.
ரஜினிகாந்த் வரும் ஏப்ரல் மாதம் அரசியல் கட்சி தொடங்குவார் என்றும், ஆகஸ்ட் மாதம் பொதுக் கூட்டம் நடத்துவார் என்றும், செப்டம்பர் முதல் தமிழகம் முழுவதும் சுற்றுப்பயணம் செய்வார் என்றும் தமிழருவி மணியன் தெரிவித்தார்.
மேலும், பாமக இவருடன் கூட்டணி வைக்கும் என்றும், தமிழருவி மணியன் தெரிவித்திருந்தார். தமிழருவி மணியனின் இந்த பேச்சு தமிழக அரசியலில் பெரும் பரபரப்பை ஏற்படுத்தியது. இதனைத்தொடர்ந்து கமல் ரஜினியுடன் கூட்டணி அமைக்க வாய்ப்பு உள்ளதாக தெரிவித்தார்.
இந்நிலையில் ரஜினி, கமல், பாமக ஆகியோர் இணைந்து மூன்றாம் அணி அமைக்க வாய்ப்புகள் இருக்கிறது. அப்படி அமைந்தால் அது ஆளுங்கட்சிக்கு எதிரான வாக்குகளை திமுக பக்கம் முழுதாக சேரவிடாமல் தடுக்கும் என தெரிகிறது என அரசியலில் பேசப்பட்டு வருகிறது.
இந்நிலையில் பாமக நிறுவனர் ராமதாஸ், பாமக 234 தொகுதிகளிலும் கட்சியை பலப்படுத்தி வருவதாகவும். கூட்டணி குறித்து ஆறு மாதம் கழித்துதான் முடிவெடுக்கப்படும் எனவும் தெரிவித்துள்ளார். இது அதிமுகவிற்கு கொடுக்கப்பட்ட வார்னிங் என நெருங்கிய வட்டாரங்கள் பேசுகின்றன.
