தமிழகத்தில் 10 முதல் 12ம் வகுப்புகளுக்கு விடுமுறை அறிவிக்கப்பட்டுள்ள நிலையில் ஆன்லைன் வகுப்புகள் நடைபெற உள்ளதாக தகவல்கள் வெளியாகியுள்ளது.
தமிழகத்தில் கொரோனா பாதிப்புகள் அதிகமாக இருந்து வரும் நிலையில் 1 முதல் 9 வகுப்புகளை தொடர்ந்து தற்போது 10 முதல் 12 வகுப்புகள் வரையிலும் ஜனவரி 31 வரை விடுமுறை அளிக்கப்பட்டுள்ளது. 10,11 மற்றும் 12ம் வகுப்பு மாணவர்களுக்கு 19ம் தேதி திருப்புதல் தேர்வு தொடங்கும் என கூறப்பட்டிருந்த நிலையில் தற்போது தேர்வு தேதி பின்னர் அறிவிக்கப்படும் என தெரிவிக்கப்பட்டுள்ளது.
இந்நிலையில் மாணவர்களின் கற்றல் திறன் பாதிக்காமல் இருக்க 10,11 மற்றும் 12ம் வகுப்பு மாணவர்களுக்கு ஆன்லைன் வகுப்புகள் நடத்த உள்ளதாக தகவல்கள் வெளியாகியுள்ளது. தனியார் பள்ளிகளுக்கு ஆன்லைன் மூலமாகவும், அரசு பள்ளிகளுக்கு கல்வி தொலைகாட்சி மூலமாகவும் பாடங்களை நடத்த திட்டமிட்டு வருவதாக தகவல்கள் வெளியாகியுள்ளது.
