மறைந்த தேமுதிக தலைவர் விஜயகாந்த் அவர்களுக்கு மத்திய அரசு சார்பில் அஞ்சலி செலுத்த மத்திய நிதி அமைச்சர் நிர்மலா சீதாராமன் இன்று சென்னை வருகை தர இருப்பதாக தகவல் வெளியாகி உள்ளன
தேமுதிக தலைவர் விஜயகாந்த் உடல் இன்று மாலை தேமுதிக அலுவலகத்தில் நல்லடக்கம் செய்யப்பட இருக்கும் நிலையில் கட்சி நிர்வாகிகள் தொண்டர்கள் திரையுலகினர் பொதுமக்கள் அஞ்சலி செலுத்தி வருகின்றனர்.
சென்னை தீவுத்திடலில் விஜயகாந்த் உடல் வைக்கப்பட்டுள்ள நிலையில் இன்று மதியம் ஒரு மணிக்கு தீவுத்திடலில் இருந்து ஊர்வலமாக தேமுதிக அலுவலகத்திற்கு எடுத்துச் செல்லப்படுகிறது.
இந்த நிலையில் மத்திய அரசு சார்பில் விஜயகாந்த்துக்கு மரியாதை செய்ய நிதி அமைச்சர் நிர்மலா சீதாராமன் இன்று சென்னை வருகிறார். அவர் விஜயகாந்த் உடலுக்கு இறுதி அஞ்சலி செலுத்த உள்ளதாக தகவல் வெளியாகியுள்ளன
