திமுக உறுப்பினர் சேர்க்கை ஒரு ஏமாற்று வேலை என அதிமுக அமைச்சர் ஜெயகுமார் விமர்சித்துள்ளார்.
தமிழக சட்டமன்ற தேர்தல் விரைவில் நடைபெற உள்ள நிலையில் தமிழக அரசியல் கட்சிகள் தங்கள் கட்சிகளுக்கான உறுப்பினர் சேர்க்கையை அதிகப்படுத்தும் பணியில் ஈடுபட்டுள்ளன. இந்நிலையில் திமுக ”எல்லாரும் நம்முடன்” என்ற பெயரில் எளிமையான முறையில் ஆன்லைன் மூலமாக திமுகவில் இணைவதற்கான திட்டத்தை மேற்கொண்டது.
இந்த திட்டத்தின் மூலம் எட்டு நாட்களில் 2 லட்சத்து 71 ஆயிரத்திற்கும் அதிகமான உறுப்பினர்கள் இணைந்துள்ளதாக திமுக கட்சி சார்பில் தெரிவிக்கப்பட்டுள்ளது. இந்த ஆன்லைன் உறுப்பினர் சேர்க்கைக்கு மொபைல் எண் மற்றும் ஓடிபி மூலம் பதிவு செய்வது மட்டுமே போதும் என்பதால் ஆவணங்கள் சரிபார்ப்பு முறை இதில் இல்லை என்பதாலும் பல்வேறு குழப்பங்கள் ஏற்பட்டுள்ளன.
இந்நிலையில் இது குறித்து அதிமுக அமைச்சர் ஜெயகுமார் விமர்சித்துள்ளார். அவர் கூறியதாவது, குடும்ப உறுப்பினரான நயன்தாராவுக்கு திமுக உறுப்பினர் அட்டை வழங்கலாம். அதை நான் ஒன்றும் சொல்லவில்லை. ஆனால், ஒரே நாளில் 72 லட்சம் பேரை எப்படி சேர்க்க முடியும். ஒசாமா பின்லேடன், ட்ரம்ப் உள்ளிட்ட பெயர்களில் திமுக உறுப்பினர் சேர்க்கை நடைபெற்று வருகிறது. இதுவொரு ஏமாற்று வேலை அனைத்து பெருமையும் பிரசாத் கிஷோருக்கே சேரும் என கூறியுள்ளார்.
