தேர்தலில் போட்டியிடுவது ஒருசில லெட்டர்பேட் அரசியல் கட்சிகளுக்கு மட்டுமின்றி ஒருசில அமைப்புகளுக்கும் விளையாட்டாக மாறியுள்ளது. அந்த வகையில் சமீபத்தில் நடந்த வேலூர் மக்களவை தேர்தலில் தமிழ்நாடு மதுகுடிப்பேர் விழிப்புணர்வு சங்கத்தின் சார்பிலும் ஒரு வேட்பாளர் போட்டியிட்டார். அவருக்கு 2530 வாக்குகள் கிடைத்துள்ளது என்பதுதான் ஒரு ஆச்சரியமான தகவல். இதுகுறித்து அந்த வேட்பாளர் டாஸ்மாக் விரும்பிகளுக்கு தனது நன்றியை தெரிவித்துள்ளார். இதுகுறித்த அறிக்கை ஒன்றில் அவர் கூறியிருப்பதாவது:
2530 வாக்குகள் அள்ளிதந்த வாக்காளர்களுக்கு நன்றி நன்றி. வேலூர் மக்களவை வாக்காளர்களுக்கும், டாஸ்மாக் மது பிரியர்களின் குடும்பங்களுக்கும் இதயபூர்வமான நன்றியை பாதங்களில் சமர்ப்பிக்கிறேன். என் முயற்சிக்கு உறுதுணையாக இருந்து வரும் பாசமிகு நண்பர்களுக்கும் பத்திரிகை நண்பர்களுக்கும் இதயபூர்வமான நன்றி நன்றி என்று குறிப்பிட்டுள்ளார்.
வேலூரில் திமுக சுமார் 8000 வாக்குகள் மட்டுமே வித்தியாசத்தில் வெற்றி பெற்றுள்ள நிலையில் இதுபோன்ற சுயேட்சைகளும் அதிமுகவின் தோல்விக்கு காரணமாக இருந்துள்ளனர் என்பது தெரிகிறது
