காங்கிரஸ் உடன் வைகோ எப்போதும் சரிப்பட்டு வரமாட்டார்: கே.எஸ்.அழகிரி

திமுக, காங்கிரஸ், விடுதலை சிறுத்தைகள், மதிமுக உள்ளிட்ட கட்சிகள் கொள்கைகளில் வேறுபட்டிருந்தாலும் தேர்தல் அரசியல் காரணமாக ஒரே கூட்டணியில் உள்ளதாக அரசியல் விமர்சகர்கள் கருத்து தெரிவித்து வருகின்றனர் 

இந்த நிலையில் சமீபத்தில் பேட்டியளித்த தமிழக காங்கிரஸ் தலைவர் கேஎஸ் அழகிரி அவர்கள் திமுகவுக்கும் காங்கிரஸ் கட்சிக்கும் இடையே பல கருத்து வேறுபாடுகள் உண்டு. அதேபோல் விடுதலை சிறுத்தைகள் மற்றும் காங்கிரஸ் கட்சி இடையையும் கருத்து வேறுபாடுகள் அதிகம் உண்டு. குறிப்பாக மதிமுக பொதுச் செயலாளர் வைகோ காங்கிரஸுடன் எப்போதும் சரிப்பட்டு வரமாட்டார்

எங்கள் கூட்டணியில் உள்ள கட்சிகளுக்கு இடையே கருத்து வேறுபாடு இருந்தாலும் மதச்சார்பின்மை என்ற ஒரே கொள்கைதான் எங்களை ஒற்றுமையாக இணைந்து ஒரே கூட்டணியில் வைத்துள்ளது என்று கேஎஸ் அழகிரி கூறியுள்ளார் 

வரும் சட்டமன்ற தேர்தலில் திமுக கூட்டணியில் காங்கிரஸ், விடுதலை சிறுத்தைகள், மதிமுக உள்பட பல கட்சிகள் இருக்கும் என்றாலும் அவை மதச்சார்பின்மை என்ற ஒற்றை கொள்கை அடிப்படையில் தான் ஒரு கூட்டணிகள் போட்டியிட உள்ளன என்றும் அவர் தெரிவித்துள்ளார்