தமிழக பாஜக தலைவராக இளைஞரான அண்ணாமலை நியமனம் செய்யப்பட்டதை அடுத்து அக்கட்சியில் இளைஞர்கள் அதிக அளவில் சேர்ந்து வருவதாக கூறப்படுகிறது. இந்த நிலையில் தமிழக காங்கிரஸ் தலைவர் பதவிக்கு ஒரு இளைஞரை நியமிக்க வேண்டும் என காங்கிரஸ் கட்சியினர் தெரிவித்து வருகின்றனர்
இப்போதைக்கு தமிழக காங்கிரஸ் தலைமை பதவிக்கு சரியான நபர் என்றால் அது கார்த்திக் சிதம்பரம் தான் என்று காங்கிரஸ் மேலிடத்திற்கு தகவல் சென்று வருவதாக கூறப்படுகிறது. ஏற்கனவே இளைஞர்களை காங்கிரஸ் கட்சியில் இருக்கும் வகையில் பஞ்சாப் மாநிலத்தில் சித்து, தெலுங்கானா மாநிலத்தில் ரேவந்த் ரெட்டி ஆகியோர் நியமனம் செய்ததை அடுத்து தமிழகத்திலும் இளைஞர்களை ஈர்க்கும் தலைவரை நியமிக்க வேண்டும் என்று ராகுல்காந்தி ஆலோசித்து வருவதாகவும் இதனை அடுத்து விரைவில் கேஎஸ் அழகிரி தமிழக காங்கிரஸ் தலைவர் பதவியிலிருந்து மாற்றப்பட்டு கார்த்திக் சிதம்பரம் தமிழக காங்கிரஸ் தலைவராக பதவி நியமனம் செய்யப்பட வாய்ப்பு இருப்பதாக கூறப்படுகிறது
ஏற்கனவே ஜோதிமணி எம்பி உள்ளிட்ட ஒரு சிலர் தமிழக காங்கிரஸ் தலைவர் பதவியைப் பிடிப்பதற்காக தீவிரமாக செயல்பட்டு வருவதாக கூறப்படுகிறது
