நாற்காலிகள் காலியாக இருந்தாலும் நினைவுகளால் நிரம்பி வழிகின்றன - கனிமொழி தந்தைக்கு டிவிட்!

கருணாநிதியின் மகளும், எம்பியுமான கனிமொழி தனது டிவிட்டர் பக்கத்தில் தந்தை குறித்த தனது நினைவை பகிர்ந்துள்ளார். 

இன்று திமுக முன்னாள் தலைவரும், தமிழக முன்னாள் முதல்வருமான மு.கருணாநிதியின் பிறந்தநாள் திமுக தொண்டர்களால் உற்சாகமாக கொண்டாடப்பட்டு வருகிறது. தமிழகம் முழுவதும் முழு ஊரடங்கு உள்ள நிலையில் தொண்டர்கள் வீடுகளில் இருந்தபடியே கலைஞர் கருணாநிதியின் உருவ படத்திற்கு மரியாதை செய்து பிறந்தநாளை எளிமையாக கொண்டாட முதல்வர் மு.க.ஸ்டாலின் கேட்டுக் கொண்டுள்ளார். கலைஞர் இறந்த பின்னர் திமுக ஆட்சிக்கு வந்து கொண்டாடப்படும் முதல் பிறந்தநாள் என்பதால் தொண்டர்கள் மிகவும் மகிழ்ச்சியாக உள்ளனர்.

இந்நிலையில் கருணாநிதியின் மகளும், எம்பியுமான கனிமொழி தனது டிவிட்டர் பக்கத்தில், அறை முழுவதும் மகிழ்ச்சியும் நகைச்சுவையும் அறிவும் நிறையச் செய்யும் அப்பாவின்  நாற்காலிகள் காலியாக இருந்தாலும் அவை நினைவுகளால் நிரம்பி வழிகின்றன என பதிவிட்டு தந்தை குறித்த தனது நினைவை பகிர்ந்துள்ளார்.