கமல்ஹாசனின் மக்கள் நீதி மய்யத்துடன் கூட்டணி அமைத்த கட்சி தொகுதி பங்கீட்டு பிரச்சினையால் வெளியேறியுள்ளது.
தமிழக சட்டமன்ற தேர்தல் தேதி அறிவிக்கப்பட்ட நிலையில் தமிழக அரசியல் கட்சிகல் ஏறத்தாழ கூட்டணி மற்றும் தொகுதி பங்கீடை உறுதி செய்து வேட்பாளர் பட்டியலையும் வெளியிட்டுள்ளன. இந்நிலையில் மக்கள் நீதி மய்யமும் தனது கூட்டணி கட்சிகளாக சமத்துவ மக்கள் கட்சி மற்றும் இந்திய ஜனநாயக கட்சிக்கு தலா 40 தொகுதிகள் ஒதுக்கியுள்ளது.
இந்நிலையில் ஜல்லிக்கட்டு போராட்டத்தின் வழியாக கட்சியாக பரிணமித்த தமிழ்நாடு இளைஞர் கட்சியும் மநீமவுடன் கூட்டணி அமைத்து தேர்தலை காண இருந்தது. இந்த கட்சிக்காக மநீம 4 தொகுதிகளை ஒதுக்கிய நிலையில் மற்ற கட்சிகளுக்கு இரண்டு இலக்கங்களில் தொகுதி ஒதுக்கிவிட்டு தங்களுக்கு 4 தொகுதிகள் தருவதாக இளைஞர் கட்சியினர் குறைபட்டு கொண்டுள்ளார்களாம். இதனால் அந்த கட்சி மநீம கூட்டணியிலிருந்து விலகுவதாக அறிவித்துள்ளது.
