2024 ஆம் ஆண்டு நடைபெற இருக்கும் பாராளுமன்ற தேர்தலில் பாஜகவை ஆதரிக்க தயார். ஆனால் அந்த தேர்தலில் தமிழரை பிரதமராக அறிவிக்க வேண்டும் என்று நாம் தமிழர் கட்சியின் ஒருங்கிணைப்பாளர் சீமான் தெரிவித்துள்ளார்.
வருங்காலத்தில் தமிழரை பிரதமராக்குவோம் என்பதை ஏற்றுக் கொள்ள முடியாது என்றும் 2024 ஆம் ஆண்டு தேர்தலில் தமிழர் ஒருவரை அதாவது அண்ணாமலை, தமிழிசை சௌந்தரராஜன், பொன் ராதாகிருஷ்ணன் ஆகியோர்களில் ஒருவரை பிரதமர் வேட்பாளராக அறிவித்தால் பாஜகவுக்காக வேலை செய்ய தயார் என்றும் அவர் தெரிவித்தார்.
இது பாஜகவின் சூழ்ச்சியான தந்திரம் என்றும் தமிழர்களின் பெயரை சொல்லி ஓட்டு வாங்குவதற்காக செய்யப்படும் சூழ்ச்சி என்றும் நாம் தமிழர் ஒருங்கிணைப்பாளர் சீமான் தெரிவித்துள்ளார்.
