நான் கூறியதை சரியாக பார்த்துவிட்டு விஷால் பேச வேண்டும்: எச்.ராஜா

'மெர்சல்' படத்தை ஆன்லைனில் பார்த்ததாக பேட்டி ஒன்றில் எச்.ராஜா கூறியதாக ஒரு தகவல் பரவியவுடன் 'உங்களுக்கு வெட்கமாக இல்லையா? என்று விஷால் காட்டத்துடன் அறிக்கை ஒன்றை வெளியிட்டிருந்தார்.

இந்த நிலையில் விஷாலின் அறிக்கைக்கு எச்.ராஜா பதில் கூறியுள்ளார். நான் கூறியதை சரியாக பார்த்துவிட்டு வந்து விஷால் பேச வேண்டும். சமூக வலைத்தளங்களில் குறிப்பிட்ட காட்சியை மட்டும்தான் பார்த்தேன். அதில் தவறு இல்லை

குறிப்பிட்ட காட்சியை மற்றவர்களுக்கு பகிர்ந்து இருந்தால்கூட தவறு என்று கூறலாம்' என்று எச்.ராஜா விளக்கமளித்துள்ளார். இருப்பினும் எச்.ராஜாவை விஜய் ரசிகர்களும் விஷால் ரசிகர்களும் விமர்சனம் செய்வதை நிறுத்தவில்லை என்பது குறிப்பிடத்தக்கது.