திருச்சியில், பள்ளி மாணவர்களுக்கு புத்தகம் படிக்கும் பழக்கத்தையும், பணத்தைச் சேமிக்கும் நன்னடத்தைப் பேணுவிக்கும் நோக்கிலும் 40 மாணவர்கள் மற்றும் மாணவியர்களுக்கு உண்டியல்கள் வழங்கப்பட்டன.
நேற்று திருச்சி மாநகராட்சி பூங்காவில் செய்தித்தாள் வாசிப்பு இயக்கம் கூட்டம் நடந்தது. இதில், மாணவர்களுக்கு உண்டியல்கள் வழங்கப்பட்டன.
மாணவர்கள், தங்களுக்குக் கிடைக்கும் சிறு தொகைகளை உண்டியலில் சேமித்து, புத்தகக் கண்காட்சிகளில் புத்தகங்கள் வாங்க வேண்டும் என அறிவுறுத்தப்பட்டது. இதற்கு மாணவர்கள் உறுதியளித்தனர்.
பள்ளிப் பருவத்திலேயே புத்தக வாசிக்கும் பழக்கத்தை வளர்த்துக்கொள்ள வேண்டும் என்றும், இது இளைஞர்களின் முன்னேற்றத்துக்கு அடித்தளமாயிருக்கும் என்று மாணவர்களுக்கு அறிவுறுத்தப்பட்டது.
தமிழ் புத்தாண்டன்று நடைபெறவுள்ள புத்தகக் கண்காட்சியில், சேமித்த பணத்தைப் பயன்படுத்தி மாணவர்கள் புத்தகங்கள் வாங்க முன்வர வேண்டும் என அறிவுரை கூறப்பட்டது.
இந்த நிகழ்வில் சமூக ஆர்வலர் தமிழ்செல்வி இளங்கோ 'சுத்தம் - சுகாதாரம்' உறுதிமொழியை மாணவர்களிடம் ஏற்படுத்தினர். இறுதியாக, யோகா துணை பேராசிரியர் சுமதி தர்மன், மாணவர்களுக்கும் பெற்றோருக்கும் அடிப்படை யோகா பயிற்சி அளித்தார்.
