அதிமுகவின் முதல்வர் வேட்பாளர் யார் என்று அறிவிக்கப்பட்டுள்ள நிலையில் அதிமுகவினருக்கான புதிய வாசகத்தை அதிமுக வெளியிட்டுள்ளது.
அதிமுகவின் முதல்வர் வேட்பாளர் யார் என்ற சர்ச்சை ஏற்பட்டு வந்த நிலையில் இன்று அதிகாரப்பூர்வமாக எடப்பாடி பழனிசாமி முதல்வர் வேட்பாளராக அறிவிக்கப்பட்டுள்ளார். மேலும் ஓபிஎஸ் கோரிக்கையின்படி அதிமுகவை வழிநடத்த 11 பேர் கொண்டு வழிகாட்டு குழுவும் அமைக்கப்பட்டுள்ளது.
முன்னாள் முதல்வர் ஜெயலலிதா தேர்தலில் முதல்வர் வேட்பாளராக நின்றபோது “மக்களால் நான் மக்களுக்காக நான்” என்ற வாசகத்தை அதிமுகவினருக்கான பொது வாசகமாக அளிக்கப்பட்டிருந்தது. அதுபோல தற்போது எடப்பாடி பழனிசாமி முதல்வர் வேட்பாளராக அறிவிக்கப்பட்ட நிலையில், அவருக்கான பிரத்யேக வாசகமாக “நம்மில் ஒருவர், நமக்கான தலைவர்” என்ற வாசகம் வெளியிடப்பட்டுள்ளது. இந்த வாசகத்தை கொண்ட புகைப்படத்தை அதிமுக தொண்டர்கள் சமூக வலைதளங்களில் பரப்பி வருகின்றனர்.