கல்வி மற்றும் மருத்துவ சேவை பணிகளுக்காக உதயநிதி எம்.எல்.ஏவிடம் இன்று நிதியுதவி செய்தவர்கள் குறித்த விபரங்களை அவர் தனது டுவிட்டரில் தெரிவித்துள்ளார். அதில் அவர் கூறியிருப்பதாவது:
திருச்செங்கோடு முன்னாள் நகர் மன்ற தலைவர் அண்ணன் ஆர்.நடேசன் அவர்கள் ரூ. 50 ஆயிரத்திற்கான காசோலையை கல்வி மற்றும் மருத்துவ சேவை பணிகளுக்காக கழக இளைஞரணியின் அறக்கட்டளைக்கு இன்று என்னிடம் வழங்கினார். அண்ணனுக்கு என் அன்பும், நன்றியும்.
தென்காசி வடக்கு மாவட்ட இளைஞரணி அமைப்பாளர் சகோதரர் ஆறுமுகசாமி அவர்கள் ஏழை எளிய மக்களின் கல்வி மற்றும் மருத்துவ சேவை பணிகளுக்காக ரூ.1 லட்சத்திற்கான காசோலையை கழக இளைஞரணியின் அறக்கட்டளைக்கு இன்று என்னிடம் வழங்கினார். அவருக்கு நன்றி
தஞ்சை வடக்கு மாவட்ட இளைஞரணி அமைப்பாளர் சகோதரர் குட்டி இரா.தெட்சிணாமூர்த்தி அவர்கள் ரூ.1 லட்சத்திற்கான காசோலையை கல்வி மற்றும் மருத்துவ சேவை பணிகளுக்காக கழக இளைஞரணியின் அறக்கட்டளைக்கு இன்று என்னிடம் வழங்கினார். அவருக்கு என் அன்பும், நன்றியும்.
