டிஜிட்டலில் வாக்கு சேகரிப்பு: மயிலாப்பூர் திமுக ஐடி விங்கின் அபார ஐடியா
தமிழகத்தில் நகர்மன்ற தேர்தல் வரும் 19ஆம் தேதி நடைபெற உள்ள நிலையில் திமுக அதிமுக உள்பட அனைத்து கட்சிகளும் தீவிரமாக வாக்கு சேகரித்து வருகின்றனர்.
இந்த நிலையில் மயிலாப்பூரைச் சேர்ந்த திமுகவின் ஐடிவிங் வித்தியாசமான முறையில் வாக்கு சேகரிக்கும் முறையை அறிமுகம் செய்துள்ளது .
திமுகவின் ஐடி விங் உறுப்பினர்கள் தங்களுடைய பின்பக்கத்தில் டிஜிட்டலில் ஸ்குரோல் ஆகும் உதயசூரியனுக்கு வாக்களியுங்கள் என்ற பையை அணிந்துள்ளனர்.
அந்த பையுடன் அவர்கள் நடந்து செல்லும்போது அதில் ஸ்குரோல் ஆகும் திமுகவுக்கு வாக்களியுங்கள் என்ற விளம்பரத்தை வாக்காளர்கள் மற்றும் பொதுமக்கள் ஆச்சரியத்துடன் பார்த்து வருகின்றனர். இதுகுறித்த வீடியோ இணைய தளங்களிலும் வைரலாகி வருகிறது என்பது குறிப்பிடத்தக்கது.
