தமிழகத்தில் புதிய மாவட்டங்களில் உள்ளாட்சி தேர்தல் நடத்தப்பட உள்ள நிலையில் திமுக செயலாளர்கள் கூட்டத்திற்கு அறிவிப்பு வெளியாகியுள்ளது.
தமிழகத்தில் கடந்த ஆட்சியில் நிர்வாக வசதிக்காக 9 புதிய மாவட்டங்கள் உருவாக்கப்பட்டன. இந்நிலையில் தற்போது புதிதாக உருவாக்கப்பட்டுள்ள 9 மாவட்டங்களுக்கான உள்ளாட்சி தேர்தலை செப்டம்பர் 15க்குள் நடத்த வேண்டும் என உச்சநீதிமன்றம் தெரிவித்துள்ளது.
இந்நிலையில் உள்ளாட்சி தேர்தலை எதிர்கொள்வது குறித்த ஆலோசனைகளை மேற்கொள்ள திமுக மாவட்ட செயலாளர்கள் சந்திப்பை திமுக ஏற்பாடு செய்துள்ளது. 26ம் தேதி மாலை 5 மணியளவில் கலைஞர் அரங்கத்தில் நடைபெறவுள்ள இந்த கூட்டத்தில் மாவட்ட கழக செயலாளர்கள் அனைவரும் கலந்து கொள்ள வேண்டும் என திமுக பொது செயலாளர் துரைமுருகன் தெரிவித்துள்ளார்.
