Select Your Language

Notifications

webdunia
webdunia
webdunia
webdunia

திமுக வேட்பாளார் அன்னியூர் சிவா வெற்றி..! டெபாசிட் இழந்தது நாம் தமிழர்..!!

Advertiesment
Aniyur Siva

Senthil Velan

, சனி, 13 ஜூலை 2024 (16:06 IST)
விக்கிரவாண்டி இடைத்தேர்தலில் திமுக வேட்பாளார் அன்னியூர் சிவா 67,757 வாக்குகள் வித்தியாசத்தில்  வெற்றி பெற்றுள்ளார்.
 
விக்கிரவாண்டி இடைத்தேர்தலில் பதிவான வாக்குகள் எண்ணும் பணி இன்று காலை 8 மணிக்கு தொடங்கியது. முதலில் தபால் வாக்குகள் எண்ணப்பட்டன. அதில், முதல் வாக்கே கையெழுத்து இல்லாததால் செல்லாத வாக்காக அறிவிக்கப்பட்டது. 
 
தபால் வாக்குகள் எண்ணிக்கையின் முடிவில், திமுக வேட்பாளர் அன்னியூர் சிவா 130 வாக்குகளுடன் முன்னிலை பெற்றார். பாமக வேட்பாளர் சி.அன்புமணிக்கு 10 வாக்குகள் கிடைத்தன. நாம் தமிழர் வேட்பாளர் டாக்டர் அபிநயா 2 வாக்குகள் பெற்றார்.  
 
தொடர்ந்து மின்னணு வாக்கு இயந்திரத்தில் பதிவான வாக்குகள் எண்ணப்பட்டன. மொத்தம் 20 சுற்றுகளாக வாக்கு எண்ணப்பட்டது. முதல் சுற்று முதலே திமுக வேட்பாளர் சி.அன்புமணி முன்னிலை வகித்து வந்தார். 

அன்னியூர் சிவா வெற்றி:
 
20-வது சுற்றின் முடிவில் திமுக வேட்பாளர் அன்னியூர் சிவா 1,24,053 வாக்குகள் பெற்று வெற்றி பெற்றார். பாமக வேட்பாளர் சி.அன்புமணி 56,296​​ வாக்குகள் பெற்றார். நாம் தமிழர் கட்சி வேட்பாளர் டாக்டர் அபிநயா 10,602 வாக்குகள் பெற்றார்.


நோட்டாவில் 853 வாக்குகள் பதிவானது. 67,757 வாக்குகள் வித்தியாசத்தில் திமுக வேட்பாளர் அன்னியூர் சிவா வெற்றி பெற்றுள்ளார். நாம் தமிழர் வேட்பாளர் அபிநயா டெபாசிட் இழந்தார்.

Share this Story:

Follow Webdunia tamil

அடுத்த கட்டுரையில்

திமுகவின் வெற்றி ரூ.250 கோடிக்கு கிடைத்த வெற்றி.! கள்ள கூட்டணிக்கு கிடைத்த வெற்றி..! ராமதாஸ்...