மழலைச் செல்வங்களுக்கு அடிப்படை உரிமை தர பாடுபடுவோம் என தமிழக வெற்றி கழகத்தின் தலைவர் விஜய் குழந்தைகள் தின வாழ்த்துக்களை தெரிவித்துள்ளார்.
இன்று இந்தியா முழுவதும் நவம்பர் 14 குழந்தைகள் தின கொண்டாட்டங்கள் நடைபெற்று வரும் நிலையில், பிரதமர் மோடி உள்பட பலரும் குழந்தைகள் தின வாழ்த்துக்களை தெரிவித்து வருகின்றனர்.
தமிழக முதல்வர் மு. க. ஸ்டாலின் சற்றுமுன் குழந்தைகள் தின வாழ்த்துக்களை தெரிவித்த நிலையில், தற்போது தமிழக வெற்றி கழகத்தின் தலைவர் விஜய் தனது சமூக வலைத்தளத்தில் குழந்தைகள் தின வாழ்த்துக்களை தெரிவித்துள்ளார்.
அதில் அவர் கூறியிருப்பதாவது, ஒவ்வொரு குழந்தையும் தனித்துவமானது; அவர்களின் புன்னகை விலைமதிப்பற்றது. குழந்தைகளின் மனது பொறாமை, பழிவாங்குதல், ஏமாற்றுதல் போன்ற எந்த ஒரு தீய எண்ணத்தையும் கொண்டிடாமல், தெளிந்த நீரைப் போல் பரிசுத்தமானது.
நமது எதிர்காலமான மழலைச் செல்வங்களுக்கு அடிப்படை உரிமைகளுடன் கூடிய சிறந்த சுதந்திரமான எதிர்காலத்தை உருவாக்கிய இந்த குழந்தைகள் தினத்தில் உறுதி ஏற்போம். குழந்தைகளை எந்நாளும் பாதுகாத்து, போற்றி மகிழ்வோம். இனிய குழந்தைகள் தின நல்வாழ்த்துக்கள் என்று பதிவு செய்துள்ளார். இந்த பதிவு தற்போது இணையத்தில் வைரல் ஆகி வருகிறது.
