அடுத்த கல்வியாண்டில் சந்திராயன் - 3 வெற்றி குறித்த கட்டுரை பாடத்திட்டங்களில் இடம்பெற நடவடிக்கை எடுக்கப்படும் என பள்ளி கல்வித்துறை அமைச்சர் அன்பில் மகேஷ் தெரிவித்துள்ளார்.
இஸ்ரோ விஞ்ஞானிகள் அனுப்பிய சந்தராயன் - 3 என்ற விண்கலம் சமீபத்தில் நிலவின் தென்துருவத்தை அடைந்தது என்பதும் நிலவின் தென்துருவத்தை அடைந்த முதல் நாடு இந்தியா என்பது குறிப்பிடத்தக்கது
சந்திராயன் - 3 வெற்றியை நாடே கொண்டாடி வருகிறது என்பதும் சந்திராயன் - 3 நிலவை அடைந்த ஆகஸ்ட் 23ஆம் தேதி தேசிய விண்வெளி நாளாக கொண்டாடப்படும் என்றும் சந்திராயன் - 3 தரையிறங்கிய இடத்தை சிவசக்தி என்றும் பிரதமர் மோடி அறிவித்தார்.
இந்த நிலையில் சந்திராயன் - 3 வெற்றி குறித்த கட்டுரை அடுத்த கல்வியாண்டில் பாடத்திட்டத்தில் இடம்பெற நடவடிக்கை எடுக்கப்படும் என்று அமைச்சர் அன்பில் மகேஷ் தெரிவித்துள்ளார். இது தொடர்பாக விரைவில் நடைபெற உள்ள உயர் அதிகாரிகள் கூட்டத்தில் ஆலோசனை மேற்கொள்ள இருப்பதாகவும் அவர் கூறினார்
