Select Your Language

Notifications

webdunia
webdunia
webdunia
webdunia

கல்வியிலும் விளையாட்டிலும் வெற்றி பெறுங்கள்: சென்னை கால்பந்து போட்டி குறித்து முதல்வர்..!

Advertiesment
Stalin

Mahendran

, திங்கள், 31 மார்ச் 2025 (13:05 IST)
கல்வியிலும் திறமையிலும் உயர்வெற்றி காண முயலுங்கள். தைரியமாக விளையாடுங்கள், நேர்மையான முறையில் வெற்றி பெறுங்கள் என சென்னை கால்பந்து போட்டி குறித்து முதல்வர் ஸ்டாலின் தனது எக்ஸ் பக்கத்தில் பகிருந்துள்ளார்.
 
சென்னை நேரு ஸ்டேடியத்தில் நேற்று நடந்த அதிரடி கால்பந்து போட்டியில் பிரேசில் லெஜண்ட்ஸ் மற்றும் இந்தியா ஆல்-ஸ்டார்ஸ் அணிகள் கடுமையாக மோதின. இதில் பிரேசிலின் புகழ்மிக்க வீரர்கள் ரொனால்டினோ, ரிவால்டோ, எட்மில்சன், காபு உள்ளிட்ட பலரும் கலந்துகொண்டு தங்கள்  திறமையை வெளிப்படுத்தினர்.
 
இந்தச் சிறப்பான போட்டியை பற்றி முதலமைச்சர் மு.க. ஸ்டாலின் தனது எக்ஸ் வலைதள பக்கத்தில் கருத்து தெரிவித்ததாவது:
 
"சென்னையில் நேற்றிரவு நடைபெற்ற பிரேசில் ஜாம்பவான்கள் மற்றும் இந்தியா ஆல்-ஸ்டார்ஸ் அணிகளின் கால்பந்து போட்டி பார்ப்பதற்கு மகிழ்ச்சி அளிக்கிறது. விளையாட்டின் அதீத உற்சாகம் தமிழ்நாட்டை பெருமிதத்துடன் உற்சாகமூட்டியது. இது ஒரு சாதாரண போட்டியாக இல்லாமல், நினைவில் நிற்கும் ஒரு தருணமாகவும், எதிர்கால வீரர்களுக்குத் தூண்டுதலாகவும் அமைந்தது.
 
குழந்தைகளே, கல்வியிலும் திறமையிலும் உயர்வெற்றி காண முயலுங்கள். தைரியமாக விளையாடுங்கள், நேர்மையான முறையில் வெற்றி பெறுங்கள்!"
 
இவ்வாறு அவர் உருக்கமாக பகிர்ந்துள்ளார்.
 
Edited by Mahendran
 

Share this Story:

Follow Webdunia tamil

அடுத்த கட்டுரையில்

கள்ளநோட்டு அடித்த விசிக பொருளாளர்.. தலைமறைவானவருக்கு போலீஸ் வலைவீச்சு..!