மேகதாது விவகாரத்தில் தமிழக அரசுக்கு பாஜக துணை நிற்கும்: அண்ணாமலை உறுதி

மேகதாது விவகாரத்தில் தமிழ்நாடு அரசு எடுக்கும் அனைத்து முயற்சிகளுக்கும் பாஜக துணை நிற்கும் என பாஜக தமிழக தலைவர் அண்ணாமலை தெரிவித்துள்ளார்

கடந்த சில நாட்களாக தமிழ்நாடு மற்றும் கர்நாடக மாநிலங்களுக்கு இடையே மேகதாது அணை விவகாரம் பெரும் சர்ச்சையை ஏற்படுத்தி உள்ளது. குறிப்பாக மத்திய நீர்வளத்துறை அமைச்சர் சமீபத்தில் கர்நாடக முதல்வரை சந்தித்து மேகதாது அணை குறித்து உறுதி அளித்துள்ளது பெரும் பரபரப்பை ஏற்படுத்தி உள்ளது

இந்த நிலையில் மேகதாது அணையை கட்ட கூடாது என்ற வகையில் தமிழ்நாடு அரசு பல்வேறு நடவடிக்கைகளை எடுத்து வருகிறது. இதனை அடுத்து தமிழ்நாடு அரசு மேகதாது விவகாரத்தில் எடுக்கும் அனைத்து முயற்சிகளுக்கும் பாஜக துணை நிற்கும் என பாஜக தலைவராக புதிதாக பொறுப்பேற்ற அண்ணாமலை அவர்கள் தெரிவித்துள்ளார்