12ஆம் வகுப்பு மதிப்பெண் பட்டியல் எப்போது? அமைச்சர் அன்பில் மகேஷ் தகவல்!

பன்னிரண்டாம் வகுப்பு மதிப்பெண் பட்டியல் ரிலீஸ் எப்போது என்பது குறித்த தகவலை இன்று பேட்டி அளித்த அமைச்சர் அன்பில் மகேஷ் அவர்கள் தெரிவித்துள்ளார் 

கொரோனா வைரஸ் பாதிப்பு காரணமாக தமிழகத்தில் 12ஆம் வகுப்பு தேர்வு ரத்து செய்யப்பட்டு மாணவர்கள் அனைவரும் பாஸ் என அறிவிக்கப்பட்டது. இருப்பினும் கல்லூரியில் சேருவதற்காக மாணவர்களுக்கு 12ஆம் வகுப்பு மதிப்பெண் பட்டியல் தேவை என்பதால் மதிப்பெண் பட்டியல் தயாரிக்கும் பணி தற்போது சிறப்பு குழுவினரால் செய்யப்பட்டு வருகிறது

இந்த நிலையில் மதிப்பெண் பட்டியல் தயாரிப்பது மற்றும் பள்ளிகள் திறப்பது குறித்து தமிழக முதல்வர் மு க ஸ்டாலின் அவர்களிடம் ஆலோசனை செய்துள்ளதாகவும் மதிப்பெண் பட்டியல் வெளியாகும் தேதி குறித்த அறிவிப்பு விரைவில் வெளியாகும் என்றும் பள்ளிக்கல்வித்துறை அமைச்சர் அன்பில் மகேஷ் கூறியுள்ளார்

மேலும் தமிழகத்தில் மருத்துவ நிபுணர்களிடம் பள்ளிகள் திறப்பது குறித்து ஆலோசித்து வருவதாகவும் பள்ளிகள் திறக்கும் தேதி குறித்த அறிவிப்பு விரைவில் வெளியாகும் என்றும் அவர் தெரிவித்தார்