கூட்டணி இல்லை.. ஆனால் பாஜகவை விமர்சிக்க வேண்டாம்.. அதிமுக தலைமை அறிவுரை..!

பாஜகவுடன் கூட்டணி இல்லை என்று நேற்று அதிமுக அதிகாரப்பூர்வமாக அறிவித்துள்ள நிலையில் பாஜகவையும் அதன் தலைவர்களையும் விமர்சனம் செய்ய வேண்டாம் என்று அதிமுக தலைமை தொண்டர்களுக்கும் இரண்டாம் கட்ட தலைவர்களுக்கும் அறிவுறுத்தியதாக தகவல் வெளியாகியுள்ளன. 

பாஜக குறித்து பொதுவெளியில் கடுமையாக விமர்சனம் செய்ய வேண்டாம் என முக்கிய நிர்வாகிகளுக்கு அதிமுக தலைமை அறிவுறுத்திய நிலையில் கட்சி தலைமையால் அனுமதிக்கப்பட்டவர்கள் தவிர வேறு யாரும் ஊடக விவாதங்களில் பங்கேற்க கூடாது என்றும் அறிவுறுத்தி உள்ளது. 

வேறு கட்சிகளுடன் நாடாளுமன்ற தேர்தல் கூட்டணி அமைப்பது குறித்து பொதுச்செயலாளர் எடப்பாடி பழனிச்சாமி முடிவு எடுப்பார் என்றும் கூட்டணி குறித்து பொதுவெளியில் இறுதி முடிவு எடுக்கும் வரை அதிமுக நிர்வாகிகள் ஊடகங்களில் கூட்டணி குறித்து பேட்டியளிக்க வேண்டாம் என்று அறிவுறுத்தி உள்ளதாகவும் தகவல் வெளியாகி உள்ளன.

Edited by Siva