அதிமுகவின் அவை தலைவராக ஒரு இஸ்லாமியரை அதிமுக பொதுச்செயலாளர் எடப்பாடி பழனிச்சாமி அமர வைத்துள்ளார் என்றும் அதேபோல் சனாதனம் பேசும் உதயநிதி ஸ்டாலின் திமுகவின் தலைவராக ஒரு தாழ்த்தப்பட்ட சமூகத்தைச் சேர்ந்தவரை அமர வைக்க முடியுமா என்று முன்னாள் அதிமுக அமைச்சர் செல்லூர் ராஜு சவால் விடுத்துள்ளார்.
முன்னாள் அமைச்சர் செல்லூர் ராஜு இன்று செய்தியாளர்களை சந்தித்தபோது சனாதனம் பேசுகின்ற உதயநிதி ஸ்டாலின் தனது கட்சியில் இருந்து முதலில் புரட்சியை கொண்டு வர வேண்டும் என்றும் முடிந்தால் திமுகவின் தலைவராக ஒரு தாழ்த்தப்பட்ட சமூகத்தை சேர்ந்தவரை அமர வைக்கட்டும் என்றும் சவால் விடுத்தார்.
அதிமுகவின் அவைத்தலைவராக எடப்பாடி பழனிச்சாமி ஒரு இஸ்லாமியரை அமர வைத்துள்ளார் என்பதையும் அவர் சுட்டிக் காட்டினார்.
