இன்று தொடங்குகிறது அதிமுக பொன்விழா! – பிரம்மாண்டமாக கொண்டாட திட்டம்!

இன்று அதிமுக தொடங்கப்பட்டு 49 ஆண்டுகள் நிறைவடைவதை ஒட்டி பொன்விழா கொண்டாட்டத்தை அதிமுக தொடங்கியுள்ளது.

1972ல் திமுகவிலிருந்து விலகிய எம்ஜிஆர் அதே ஆண்டு அக்டோபர் 17ம் நாளில் அதிமுக கட்சியை தொடங்கினார். கட்சி தொடங்கி இன்றோடு 49 ஆண்டுகள் முடிவடையும் நிலையில் கட்சி 50வது ஆண்டில் அடியெடுத்து வைக்கிறது.

இந்நிலையில் இன்று சென்னை ராயப்பேட்டையில் உள்ள தலைமை அலுவலகத்தில் எம்.ஜி.ஆர், ஜெயலலிதா சிலைகளுக்கு அதிமுக ஒருங்கிணைப்பாளர் ஓ.பன்னீர்செல்வம் மற்றும் இணை ஒருங்கிணைப்பாளர் எடப்பாடி பழனிசாமி உள்ளிட்டோர் மாலை அணிவித்து மரியாதை செய்தனர். மேலும் மாநிலம் முழுவதும் அதிமுக பொன்விழாவை கொண்டாட அதிமுக தொண்டர்கள் திட்டமிட்டுள்ளனர்.