நீங்க போங்க.. நாங்க வரல... தேமுதிகவிடம் முரண்டு பிடிக்கும் அதிமுக

நாடாளுமன்ற தேர்தல் நெருங்கி வரும் சூழ்நிலையில் அதிமுக தனது கூட்டணி குறித்த அறிவிப்புகளை இன்று அதிரடியாக வெளியிட்டு வருகிறது. அதிமுக - பாஜக - பாமக - தேமுதிக கூட்டணியாக தேர்தலை சந்திக்கும் என தெரிகிறது. 

ஏற்கனவே, பாமகவிற்கு 7 தொகுதிகளும், பாஜகவுக்கு 5 தொகுதிகளும் என பிரித்து கொடுக்கப்பட்டுள்ள நிலையில் அடுத்து தேமுதிகவிற்கு எத்தனை தொகுதி வழங்கப்படும் என தெரியவில்லை. 

இந்நிலையில், பாஜகவின் தமிழக தேர்தல் பொறுப்பாளர் பியூஸ் கோயல் தற்போது விஜய்காந்த் வீட்டிற்கு சென்றுள்ளார். விஜய்காந்த் - பியூஸ் கோயல் சந்திப்பில் தொகுதி பங்கீடு பற்றி பேச வாய்ப்பில்லை ஏனெனில் அதிமுக தரப்பில் யாரும் இந்த சந்திப்பிற்கு செல்லவில்லை. 

எனவே, இன்று தேமுதிக - அதிமுக தொகுதி பங்கீடு இன்று வெளியாகாது என தெரிகிறது. மேலும், கோயல் விஜய்காந்தை மரியாதை நிமித்தமாக சந்தித்தாகவும், விஜய்காந்தின் உடல் நிலை சிகிச்சைக்கு பின்னர் உடல் நலம் தேறி வருவதாவும் தெரிவித்துள்ளார்.