வரும் நாடாளுமன்ற தேர்தலில் அதிமுக யார் யாருடன் கூட்டணி அமைக்கப்போகிறது என்பது பெரும் கேள்வியாக இருந்தது. தற்போது இந்த கேள்விகளுக்கு இன்று பதில் கிடைத்து வருகிறது.
பாஜக - அதிமுக கூட்டணி இறுதிக்கட்ட பேச்சிவார்த்தையை எட்டியுள்ள நிலையில், அதிமுக - பாமக கூட்டணி உறுதியாகியுள்ளது. தமிழகம் புதுச்சேரியில் உள்ள 40 பாராளூமன்ற தொகுதியில் பாமகவுக்கு 7 தொகுதிகளும், ராஜ்யசபாவில் 1 சீட்டு என்ற ஒப்பந்தத்தோடு கூட்டணி உறுதியாகியது.
இந்நிலையில் இந்த கூட்டணியை கஸ்தூரி கேலி செய்துள்ளார். இது குறித்து டிவிட்டரில் அவர் பதிவிட்டிருப்பது பின்வருமாறு, எப்போதுமே பாமகவுக்கு NDA-வில்தான் அதிக சீட்டு கிடைக்கும். பாஜக கூட்டணியில் போன முறை மிக அதிகமாக 8 சீட்டுக்கள் - வென்றது 1 மட்டுமே. இந்த முறை வென்றாலும் வெல்லாவிட்டாலும் ஒரு எம்பி பதவி நிச்சயம். வேறு என்ன வேண்டும்? என பதிவிட்டுள்ளார்.
இதற்கு முன்னர், பாமக 4 சீட்டுக்கு இப்பிடி மாத்தி மாத்தி பேரம் பேசுறதுக்கு பேசாம அதிமுக திமுக ரெண்டு கட்சியோடயும் தலா 2 சீட்டு கூட்டணி வச்சி புரட்சி பண்ணிரலாம். திராவிட அரசியலுக்கு மாற்று, டாஸ்மாக் கட்சிகளுக்கு எதிர்ப்பு, மாற்றம் முன்னேற்றம் எல்லாம் என்ன ஆச்சு? என கேள்வி எழுப்பியிருந்தார் என்பது குறிப்பிடத்தக்கது.