காஷ்மீர் மாநிலத்தின் முதல் வந்தே பாரத் விரைவு ரயிலை பிரதமர் நரேந்திர மோடி ஏப்ரல் 19ஆம் தேதி தொடங்கி வைக்கிறார். இந்த ரயில் சேவை கத்ரா ரயில் நிலையத்திலிருந்து தொடங்கப்படும், மேலும் இதற்கான கொடியசைப்பை பிரதமர் மோடி நடத்துவார் என கூறப்பட்டுள்ளது. அதன் பின்னர், கத்ராவில் நடைபெறும் ஒரு பெரிய கூட்டத்திலும் அவர் உரையாற்ற உள்ளார்.
தற்போது, ஆரம்பக் கட்டமாக கத்ரா - ஸ்ரீநகர் வழித்தடத்தில் ஒரே ஒரு வந்தே பாரத் ரயில் மட்டுமே இயக்கப்படும். ஆனால், பயணிகள் மத்தியில் இதற்கு வரவேற்பு எவ்வாறு இருக்கும் என்பதை பொருத்து மேலும் ரயில்கள் இயக்கப்படும் என அதிகாரிகள் தெரிவித்துள்ளனர்.
கடந்த ஜனவரியில், ஜம்மு-காஷ்மீருக்கு நேரில் வந்த ரயில்வே பாதுகாப்பு ஆணையர், கத்ரா - காஷ்மீர் இடையே ரயில் போக்குவரத்திற்கு அனுமதி வழங்கியிருந்தார். தற்போது, பள்ளத்தாக்கில் உள்ள சங்கல்டன் - பாரமுல்லா இடையேயும், கத்ராவிலிருந்து நாடு முழுவதுமாகவும் ரயில்கள் இயக்கப்பட்டு வருகின்றன.
சாதாரணமாக, காஷ்மீர் வழித்தடத்தில் ரயில்கள் பகல் நேரத்திலேயே இயக்கப்படுகின்றன. மாலையில் பாதுகாப்பு நடவடிக்கைகள் அமல்படுத்தப்படுவதால், அந்த நேரங்களில் எந்த ரயிலும் இயக்கப்படுவதில்லை
