நேற்று தீபாவளி முடிந்த நிலையில் தீபாவளியின்போது நாசா எடுத்த புகைப்படம் என சேவாக் பகிர்ந்த பழைய ட்வீட் ஒன்று வைரலாகி வருகிறது.
நேற்று இந்தியா முழுவதும் தீபாவளி பண்டிகை கோலாகலமாக கொண்டாடப்பட்டது. மக்கள் பலரும் பட்டாசு வெடித்தும், புத்தாடைகள் அணிந்தும் தீபாவளியை கொண்டாடினர். இந்நிலையில் தீபாவளிக்கு அதிகமாக பட்டாசு வெடித்ததால் பெருநகரங்களில் காற்று மாசு ஏற்பட்டுள்ளதாக கூறப்படுகிறது.
இந்நிலையில் தீபாவளி அன்று நாசா எடுத்ததாக கடந்த 2015ம் ஆண்டு கிரிக்கெட் வீரர் ஷேவாக் பகிர்ந்த ட்வீட் ஒன்று வைரலாகியுள்ளது. அதில் உலக நாடுகள் எல்லாம் இருளாய் இருக்க இந்தியா மட்டும் ஒளிர்வது போல உள்ளது. இந்த புகைப்படத்தை பகிர்ந்து பலரும் இந்த பதிவை ட்ரோல் செய்து வருகின்றனர்.
