சமீபத்தில் லடாக்கில் இந்திய சீன எல்லைப் பகுதியில் சீன ராணுவம் திடீரென்று தாக்குதல் நடத்தியது. இதற்கு பதிலடியாக இந்திய ராணுவத்தினர் தாக்குதல் நடத்தினர். இதில் சீனா ராணுவத்தினர் 35 பேர் உயிரிழந்தனர்.
20 இந்திய வீரர்கள் வீரமரணம் அடைந்தனர். இந்நிலையில், லடாக்கில் சீன ராணுவ தாக்குதலில் வீரமரணமடைந்த ராணுவ அதிகாரி சந்தோஷ் பாபு குடும்பத்திற்கு ரூ.5 கோடி நிதிஉதவி அளிப்பதாகவும், ராணுவ அதிகாரி சந்தோஷ் பாபு குடும்பத்திற்கு ஒரு வீடு, அவரது மனைவிக்கு குரூப்-1 அரசு பணி தரவும் தெலங்கானா அரசு உத்தரவிட்டுள்ளதாக செய்திகள் வெளியாகின்றன.
