2000 ரூபாய் நோட்டுக்கள் போல் 500 ரூபாயும் திரும்ப பெறப்படுமா? டிஜிட்டலுக்கு மாற வலியுறுத்தல்..!

கடந்த சில ஆண்டுகளுக்கு முன்பு, 500 ரூபாய், 1000 ரூபாய் நோட்டுகள் செல்லாது என்று அறிவிக்கப்பட்டு, அதன் பின் 2000 ரூபாய் நோட்டுகள் அறிமுகம் செய்யப்பட்டன. ஆனால், 2000 ரூபாய் நோட்டுகளும் சில ஆண்டுகள் கழித்து திரும்ப பெறப்பட்ட நிலையில், தற்போது புதிய 500 ரூபாய் நோட்டுகளும் திரும்ப பெறப்பட வாய்ப்பு இருப்பதாக கூறப்படுகிறது.

ரிசர்வ் வங்கி வெளியிட்டுள்ள அறிவிப்பின்படி, ஏ.டி.எம்களில் 100 ரூபாய், 200 ரூபாய் நோட்டுகள் அதிகம் கிடைப்பதை உறுதி செய்ய வேண்டும் என்று தெரிவித்துள்ளது. எனவே தான், 2000 ரூபாய் நோட்டுகள் போல் 500 ரூபாய் நோட்டுகளும் திரும்ப பெறப்படுமா என்ற சந்தேகம் மக்கள் மத்தியில் ஏற்பட்டுள்ளது.

மேலும், மக்கள் முழுக்க முழுக்க டிஜிட்டலுக்கு மாற வேண்டும் என்று அறிவுறுத்தப்பட்டு வருகிறது என்பதும், ரூபாய் நோட்டுகளின் புழக்கத்தை குறைக்க மத்திய அரசு திட்டமிட்டுள்ளதாகவும் கூறப்படுகிறது.

 பெரிய பண பரிவர்த்தனை அனைத்தும் டிஜிட்டலில் மாறிவிட்டால், 100 ரூபாய், 200 ரூபாய் நோட்டு மட்டும் சிறிய செலவுகளுக்கு போதும் என்று திட்டமிடப்படுகிறது என்ற சந்தேகமும் தற்போது எழுந்துள்ளது.

Edited by Mahendran