நாட்டு மக்களுக்கு தீபாவளி சிறப்பு பரிசு.. ஜிஎஸ்டி வரி குறைக்கப்படும்: பிரதமர் மோடி

பிரதமர் நரேந்திர மோடி, இந்தியாவில் அடுத்த தலைமுறை ஜிஎஸ்டி வரி  சீர்திருத்தங்கள் தீபாவளிக்கு அறிவிக்கப்படும் என்று தெரிவித்துள்ளார். இந்த சீர்திருத்தங்கள், பல்வேறு பொருட்களை மேலும் மலிவான விலையில் கிடைக்க வழிவகுக்கும் என்று அவர் உறுதியளித்துள்ளார்.

ஜிஎஸ்டி வரி அறிமுகப்படுத்தப்பட்ட பிறகு, இந்தியாவில் வரி விதிப்பு முறை எளிமைப்படுத்தப்பட்டது. நாட்டின் ஒட்டுமொத்த பொருளாதார வளர்ச்சிக்கும் இது பெரும் உதவியாக இருந்தது. தற்போது, அடுத்த கட்டமாக அறிவிக்கப்பட உள்ள 'அடுத்த தலைமுறை ஜிஎஸ்டி' சீர்திருத்தங்கள், வரி விதிப்பு முறையை மேலும் எளிமையாக்கி, பொதுமக்கள் அன்றாடம் பயன்படுத்தும் அத்தியாவசியப் பொருட்களின் விலையைக் குறைப்பதே முக்கிய நோக்கமாகக் கொண்டுள்ளது.

இந்த சீர்திருத்தங்களின் மூலம், நுகர்வோர் மற்றும் வணிகர்கள் இருவருக்கும் பலன் கிடைக்கும் என்று எதிர்பார்க்கப்படுகிறது. பொருட்களின் விலை குறையும் போது, வாங்கும் திறன் அதிகரிக்கும். இதனால், நாட்டின் பொருளாதார வளர்ச்சி வேகமடையும். மேலும், சிறு மற்றும் குறு வணிகர்களுக்கான வரி விதிப்பு நடைமுறைகள் இன்னும் எளிமையாக்கப்படலாம் என்றும் எதிர்பார்க்கப்படுகிறது.

தீபாவளி பண்டிகையை முன்னிட்டு இந்த சீர்திருத்தங்கள் குறித்த அறிவிப்பு வெளியாகும் என பிரதமர் மோடி இன்று சுதந்திர தின உரையில் தெரிவித்துள்ளது மக்களிடையே பெரும் மகிழ்ச்சியை ஏற்படுத்தியுள்ளது.

Edited by Siva