பெட்ரோல் மற்றும் டீசல் விலை கடந்த சில நாட்களாக உயர்ந்து கொண்டு வருவது மக்கள் மத்தியில் அதிர்ச்சியை ஏற்படுத்தியுள்ளது.
இன்று பெட்ரோல் மற்றும் டீசல் விலை உயர்ந்துள்ளதை அடுத்து பெட்ரோல் ரூபாய் 100 ரூபாயை தாண்டிவிட்டது என்பது குறிப்பிடத்தக்கது. இன்று பெட்ரோல் விலை லிட்டருக்கு 21 காசுகள் உயர்ந்து ஒரு லிட்டர் பெட்ரோல் விலை சென்னையில் ரூபாய் 100.01 என்ற விலைக்கு விற்பனையாகி வருகிறது.
அதே போல் டீசல் விலை 29 காசுகள் உயர்ந்து உள்ளதை அடுத்து டீசல் விலை லிட்டருக்கு ஒரு ரூபாய் 95.31 என்று விற்பனையாகி வருகிறது என்பது குறிப்பிடத்தக்கது.
இதனிடையே ராஜஸ்தானில் கங்கா நகரில் ஒரு லிட்டர் பெட்ரோல் ரூ.114.78-க்கு விற்கப்படுவதால் வாகன ஓட்டிகள் அதிர்ச்சியடைந்துள்ளனர். கங்காநகரில் ஒரு லிட்டர் டீசல் விலை ரூ.105.11 ஆக உயர்ந்துவிட்டது என்பது குறிப்பிடத்தக்கது.
