நாடாளுமன்ற குளிர்கால கூட்டத்தொடர் தேதி அறிவிப்பு.. இந்த முறை என்ன பிரச்சனை?

நாடாளுமன்ற குளிர்கால கூட்டத்தொடர் நடைபெறும் தேதி குறித்த அறிவிப்பு வெளியாகியுள்ள நிலையில் இந்த முறை என்ன பிரச்சனை எழும் என்பது குறித்து இணையதளங்களில் பேசப்பட்டு வருகிறது. 

ஒவ்வொரு முறையும் நாடாளுமன்றம் கூடுவதற்கு முந்தைய நாள் ஏதாவது ஒரு பிரச்சனை எழுவது வழக்கமாக உள்ளது.  பிபிசி வெளியிட்ட  குஜராத் வன்முறை வீடியோ மற்றும் மணிப்பூர் வன்முறை வீடியோ ஆகியவை சரியாக நாடாளுமன்ற கூட்டத்திற்கு முந்தைய நாள் தான் வெளியானது. 

இந்த நிலையில் நாடாளுமன்ற குளிர்காலத் கூட்டத்தொடர் டிசம்பர் 4 முதல் டிசம்பர் 22ஆம் தேதி வரை நடைபெறும் என்றும் 19 நாட்கள் நடைபெறும் என்ற கூட்டத்தொடரில் மொத்தம் 15 அமர்வுகள் இருக்கும் என்றும் நாடாளுமன்ற விவகாரத்துறை அமைச்சர் பிரகலாத் ஜோஷி தெரிவித்துள்ளார். 

இந்த முறை நாடாளுமன்றம் கூடும்போது என்ன பிரச்சனையை எதிர்க்கட்சிகள் கொண்டு வரும் என்பதை பொறுத்திருந்துதான் பார்க்க வேண்டும்

Edited by Mahendran