எதையும் செய்ய தயங்க மாட்டோம்.. ஆபரேசன் சிந்தூர் குறித்து முகேஷ் அம்பானி..!

இந்தியாவின் முன்னணி செல்வந்தரான முகேஷ் அம்பானி, பாகிஸ்தானில் உள்ள ஒன்பது பயங்கரவாத முகாம்களை இலக்கு வைத்து மேற்கொள்ளப்பட்ட ஆப்ரேஷன் சிந்தூருக்கு பாராட்டுகளை தெரிவித்துள்ளார். இந்த ஆப்ரேஷன், கடந்த மாதம் நடந்த பஹால்காம் பயங்கரவாதத் தாக்குதலுக்கு பதிலாக, பாகிஸ்தான் மற்றும் பாகிஸ்தான் கைப்பற்றிய காஷ்மீர்  பகுதிகளில் வெற்றிகரமாக நடத்தப்பட்டது.

ஆப்ரேஷன் சிந்தூர் வெற்றியை கௌரவித்து, முகேஷ் அம்பானி,  ’எங்கள் இந்திய ராணுவம் குறித்து மிகவும் பெருமையாக உள்ளோம். இந்தியா ஒன்றிணைந்துள்ளது, உறுதியாக உள்ளது மற்றும் அனைத்து வகையான பயங்கரவாதத்திற்கு எதிராக தன்னை நிலைநிறுத்தியுள்ளது,” என்று  கூறினார்.

முகேஷ் அம்பானி, பிரதமர் மோடி குறித்து கூறியபோது, ‘பிரதமர் மோடியின் தலைமையில், இந்திய ராணுவம் எல்லைப் புறத்தில் நிகழ்த்திய ஒவ்வொரு நடவடிக்கைக்கும் சரியான பதிலடி அளித்துள்ளது. 

இந்தியா பயங்கரவாதத்திற்கு எதிராக எப்போதும் மௌனமாக இருக்காது. நாங்கள் எங்கள்  நிலத்தை, எங்கள் மக்களை மற்றும் எங்கள் நாட்டை பாதுகாப்பதற்காக எதையும் செய்வோம். கடந்த சில நாட்களில், எங்கள் அமைதிக்கு மிரட்டல் அளிக்கும் ஒவ்வொரு முயற்சிக்கும் சரியான பதிலடி அளிக்கப்பட்டுள்ளது,” என்று முகேஷ் அம்பானி கூறினார்.

Edited by Siva