பிரியங்கா காந்தி கன்னம் போல சாலை அமைப்பேன்: பாஜக வேட்பாளர் சர்ச்சை பேச்சு..!

பிரியங்கா காந்தி கன்னம் போல சாலை அமைப்பேன் என டெல்லி பாஜக வேட்பாளர் சர்ச்சை பேச்சு பேசியதை அடுத்து அவருக்கு கண்டனங்கள் குவிந்து வருகிறது.

டெல்லியில் அடுத்த மாதம் சட்டமன்ற தேர்தல் நடைபெற இருக்கும் நிலையில் பாஜக, காங்கிரஸ் மற்றும் ஆம் ஆத்மி என மும்முனைப் போட்டி நிலவுகிறது. இந்த நிலையில் அனைத்து கட்சிகளும் வேட்பாளர்களை அறிவித்துவிட்டு தேர்தல் பிரச்சாரத்தையும் தொடங்கி உள்ள நிலையில் பாஜக சார்பில் கல்காஜி என்ற தொகுதியில் போட்டியிடும் ரமேஷ்  என்பவர் தேர்தல் பிரச்சாரத்தை தொடங்கினார்.

அவர் தனது முதல் பிரச்சாரத்தில்  டெல்லி சாலைகளை பிரியங்கா காந்தியின் கன்னத்தை போல் பளபளவென ஆக்குவேன் அவர் கூறியுள்ளார். ஹேமாமாலினி கன்னங்களை போல் சாலைகளை ஆக்குவேன் என்று பீகார் மாநில தேர்தல் பிரச்சாரத்தின் போது லாலு பிரசாத் கூறினார் என்றும், அதை அவரால் செய்ய முடியவில்லை, ஆனால் நான் பிரியங்கா காந்தி கன்னம் போல் சாலைகளை மாற்றுவேன் என்று உறுதி அளிக்கிறேன் என்று கூறினார். இதையடுத்து அவருடைய பேச்சுக்கு கண்டனங்கள் குவிந்து வருகிறது.

Edited by Siva