தமிழகத்தில் தேர்தல் நடைபெறும் ஏப்ரல் 6-ஆம் தேதி தான் கேரள மாநிலத்தில் சட்டமன்ற தேர்தல் நடைபெற உள்ளது என்பது குறிப்பிடத்தக்கது. கேரளாவில் கம்யூனிஸ்ட் கட்சிகள் ஒரு அணியாகவும், காங்கிரஸ் ஒரு அணியாகவும், பாஜக ஒரு அணியாகவும் போட்டியிடுவதால் மும்முனை போட்டி ஏற்பட்டுள்ளது
இந்த நிலையில் சற்று முன்னர் கேரளாவில் கம்யூனிஸ்ட் கட்சியினர் 83 தொகுதிகளுக்கான வேட்பாளர் பட்டியலை அறிவித்து உள்ளனர். இதில் முதல்வர் பினராயி விஜயன் தர்மதம் என்ற தொகுதியில் போட்டியிடுவதாக அறிவிக்கப்பட்டுள்ளது.
அதேபோல் சுகாதார அமைச்சர் சைலஜா மாட்டனூர் தொகுதியிலும் கேடி ஜலீல் என்பவர் தாவனூர் தொகுதிகளில் போட்டியிட உள்ளனர் என்பது குறிப்பிடத்தக்கது. இதனை அடுத்து பாஜகவும் காங்கிரசும் அடுத்தடுத்து விரைவில் வேட்பாளர் பட்டியலை அறிவிக்கும் என்று எதிர்பார்க்கப்படுகிறது
