பெட்ரோல், டீசல் விலை ரூ.8.50 குறையுமா? ஐசிஐசிஐ செக்யூரிட்டீஸ் ஆலோசனை!

தற்போதைய நிலையில் பெட்ரோல் மற்றும் டீசல் விலையை ரூ.8.50 குறைக்கலாம் என்றும் அதனால் அரசுக்கு எந்தவிதமான வருவாய் இழப்பும் இருக்காது என்றும் ஐசிஐசிஐ செக்யூரிட்டீஸ் நிறுவனம் தெரிவித்துள்ளது 

பெட்ரோல் டீசல் மீதான கலால் வரி மற்றும் தற்போது 30 ரூபாய்க்கும் அதிகமாக உள்ளதாகவும், இந்த கலால் வரியை குறைத்தால் பெட்ரோல் டீசல் விலை கணிசமாக குறைந்துவிடும் என்றும் ஐசிஐசிஐ செக்யூரிட்டீஸ் நிறுவனம் தெரிவித்துள்ளது 

பெட்ரோல் டீசல் மீதான கலால் வரியை குறைப்பதால் வரும் நிதியாண்டுக்கான வருவாய் இலக்கை நிர்ணயித்த காலத்திற்குள் வைத்திருக்க முடியும் என்றும் இதனால் அரசுக்கு எந்தவிதமான வருவாய் இழப்பும் ஏற்படாது என்றும் தெரிவித்துள்ளது 

அதுமட்டுமின்றி கலால் வரி குறைப்பால் பெட்ரோல் டீசல் விலை ரூ.8.50 குறையும் என்றும் அதனால் மக்களுக்கு நன்மை கிடைப்பதோடு பொருளாதாரத்தில் சாதகமான விளைவுகள் ஏற்படும் என்றும் அந்நிறுவனம் தெரிவித்துள்ளது. இந்த நிறுவனத்தின் ஆலோசனையை ஏற்று மத்திய அரசு பெட்ரோல் டீசல் மீதான கலால் வரியை குறைக்க என்பதை பொறுத்திருந்து பார்ப்போம்