விரைவில் அனைவருக்கும் இ-பாஸ்போர்ட் வழங்குவதற்கான பணிகளை மத்திய அரசு தீவிரப்படுத்தியுள்ளது.
தற்போது புத்தக வடிவிலான பாஸ்போர்ட் விண்ணப்பிப்பவர்களுக்கு வழங்கப்பட்டு வரும் நிலையில் சிப் பொருத்தப்பட்ட இ-பாஸ்போர்டை அடுத்த ஆண்டு முதல் நாட்டில் அனைவருக்கும் வழங்குவதற்கான பணிகளை மத்திய அரசு தீவிரப்படுத்தியுள்ளது என தகவல் வெளியாகியுள்ளது.
தற்போது சோதனை முயற்சியாக முதலில் 20,000 அரசு அதிகாரிகள் மற்றும் தூதரகங்களில் பணிபுரிவோருக்கு இ-பாஸ்போர்ட் விநியோகிக்கப்பட்டுள்ளது. இதற்காக டெல்லி மற்றும் சென்னையில் பிரத்யேக கிளைகள் அமைக்கப்பட்டுள்ளது.
விரைவில் 36 பாஸ்போர்ட் அலுவலகங்களிலும் இ-பாஸ்போர்ட் விநியோகம் செய்ய மத்திய வெளியுறவுத்துறை அமைச்சகம் திட்டமிட்டுள்ளது. இ-பாஸ்போர்ட் வழங்கப்பட்டாலும் வழக்கமாக பாஸ்போர்ட் வழங்கும் முறையும் பாதிக்காத வகையில் பணிகள் நடைபெறும் என கூறப்பட்டுள்ளது.
