குடிபோதையில் கார் ஓட்டிய நபர்.. பிளாட்பார்த்தில் தூங்கியவர்கள் மீது ஏறியதால் அதிர்ச்சி..!

டெல்லியின் வசந்த் விஹார் பகுதியில், அதிகாலை நேரத்தில், மதுபோதையில் இருந்த ஒருவர் தனது Audi SUV காரை பிளாட்பாரத்தில் தூங்கிக் கொண்டிருந்த ஐந்து பேர் மீது மோதிய சம்பவம் பெரும் அதிர்ச்சியை ஏற்படுத்தியுள்ளது. அதிகாலை 1:45 மணியளவில் நடந்த இந்த சம்பவத்தில், இரண்டு தம்பதிகள் மற்றும் எட்டு வயது சிறுமி உட்பட எட்டு பேர் படுகாயமடைந்தனர்.

டெல்லி காவல்துறை அளித்த தகவல்படி, கார் ஓட்டி வந்த 40 வயதான உத்சவ் சேகர், நொய்டாவிலிருந்து துவாரகா நோக்கிச் சென்றுகொண்டிருந்தபோது, வாகனத்தின் கட்டுப்பாட்டை இழந்ததாக கூறப்படுகிறது. மருத்துவ அறிக்கைகள், விபத்து நடந்த நேரத்தில் அவர் மதுபோதையில் இருந்ததை உறுதிப்படுத்தியுள்ளன. உத்சவ் சேகர் சம்பவ இடத்திலேயே கைது செய்யப்பட்டார். அவர் மீது சட்ட நடவடிக்கை எடுக்கப்பட்டுள்ளது.

இந்தச் சம்பவம் சிவா முகாமிற்கு அருகில் உள்ள இந்தியன் ஆயில் பெட்ரோல் பம்ப் முன்பு நடந்தது. இந்த பகுதி, பல வீடற்ற மக்கள் இரவில் தங்குமிடமாகப் பயன்படுத்தும் இடம். காவல் கட்டுப்பாட்டு அறைக்கு கிடைத்த அழைப்பை அடுத்து, வசந்த் விஹார் காவல்துறையினர் சம்பவ இடத்திற்கு விரைந்து வந்து, காயமடைந்தவர்களை உடனடியாக மருத்துவமனைக்குக் கொண்டு சென்றனர்.

Edited by Siva