I.N.D.I.A கூட்டணியின் அடுத்த கூட்டம் எப்போது? எங்கே? காங்கிரஸ் அறிவிப்பு..!

பாஜகவுக்கு எதிராக அமைக்கப்பட்டுள்ள இந்தியா கூட்டணியின் அடுத்த கூட்டம் எங்கே எப்போது  என்ற அறிவிப்பு வெளியாகி உள்ளது.  

இந்தியா கூட்டணியின் மூன்று கூட்டங்கள் ஏற்கனவே நடைபெற்ற நிலையில் நான்காவது கூட்டம்  சமீபத்தில் நடைபெறுவதாக அறிவிக்கப்பட்டது. ஆனால் முக்கிய தலைவர்கள் இந்த கூட்டத்தில் பங்கேற்க முடியாத சூழல் ஏற்பட்டதால் கூட்டம் ரத்து செய்யப்பட்டது.

இந்த நிலையில் இந்தியா கூட்டணியின் நான்காவது கூட்டம் புதுடெல்லியில் டிசம்பர் 19ஆம் தேதி மாலை 3 மணிக்கு நடைபெறும் என்று காங்கிரஸ் பொதுச் செயலாளர் ஜெயராம் ரமேஷ் அறிவித்துள்ளார்

2024 ஆம் ஆண்டு நடைபெற உள்ள பாராளுமன்ற தேர்தலில் பாஜகவை தோற்கடிக்க நாடு முழுவதும் உள்ள எதிர்க்கட்சிகள் ஒன்றிணைந்து இந்தியா என்ற கூட்டணியை அமைத்துள்ளது. இந்த கூட்டணி பாஜகவுக்கு சவாலாக இருக்குமா? ஒற்றுமையுடன் பாஜகவை வீழ்த்துமா? என்பதை பொறுத்திருந்துதான் பார்க்க வேண்டும்.

Edited by Siva