இந்தியாவில் கடந்த சில வாரங்களில் கொரோனா பாதிப்பு குறைந்துள்ள நிலையில் 21 மாநிலங்களில் உயிரிழப்பு இல்லை என செய்திகள் வெளியாகியுள்ளது.
இந்தியாவில் கடந்த இரண்டு ஆண்டு காலமாக கொரோனா பாதிப்பு இருந்து வரும் நிலையில் பல கோடி மக்கள் பாதிக்கப்பட்டுள்ளனர். இந்நிலையில் கடந்த சில மாதங்களில் கொரோனா தடுப்பூசி செலுத்தும் பணி தீவிரப்படுத்தப்பட்ட நிலையில் பாதிப்பு நிலவரம் குறைந்துள்ளது. 200 நாட்களுக்கு பிறகு இந்தியாவில் கொரோனா பாதிப்பு 13 ஆயிரத்திற்கும் கீழ் குறைந்துள்ளது.
இந்நிலையில் நேற்றைய நிலவரப்படி கொரோனா பாதிப்பால் கேரளாவில் 60 பேரும், மகாராஷ்டிராவில் 27 பேர் என மொத்தம் 164 பேர் இறந்துள்ளனர். இந்தியாவில் உத்திரபிரதேசம், டெல்லி உள்பட 21 மாநிலங்களில் நேற்று ஒரு கொரோனா இறப்புக்கூட பதிவாகவில்லை என கூறப்பட்டுள்ளது.
