ரஜினியின் மூத்த மகளும் நடிகர் தனுஷின் மனைவியுமான ஐஸ்வர்யா இயக்கும் முதல் படம் 3. தனுஷ், ஸ்ருதிஹாசன் நடிக்கின்றனர்.
3 ஒரு ரொமாண்டிக் என்டர்டெய்னர். இன்றைய இளைஞர்கள் எதிர்பார்க்கும் அனைத்தும் இந்தப் படத்தில் உள்ளது என்று ஐஸ்வர்யா தெரிவித்துள்ளார். மேலும், ஹீரோயினாக நடிக்கும் ஸ்ருதிஹாசன் ஒரு புரபெஷனல் நடிகை என்றும் பாராட்டியிருக்கிறார்.
இந்தப் படத்தை தனுஷின் தந்தை கஸ்தூ ராஜா தயாரிக்கிறார். இசை அனிருத் என்ற 21 வயது இளைஞர். இவர் ஐஸ்வர்யா இயக்கிய குறும் படங்களுக்கு இசையமைத்தவர். இவரின் இசையில் பாடல்கள் பெரும் வரவேற்பை பெற்றுள்ளது.
படத்தின் டைட்டில் குறித்து பேசியிருக்கும் ஐஸ்வர்யா, 3 என்ற படத்தின் டைட்டிலுக்கும் படத்தின் கதைக்கு தொடர்பு இருப்பதால் டைட்டில் பற்றி இப்போது கூறினால் சுவாரஸியமாக இருக்காது என்று தெரிவித்துள்ளார்.
