தங்கம் விலை இன்று ஒரே நாளில் கிட்டத்தட்ட ஒரு சவரனுக்கு 1000 ரூபாய் அதிகரித்துள்ளதாக வெளிவந்திருக்கும் செய்தி நகைப் பிரியர்களுக்கு பெரும் அதிர்ச்சியை ஏற்படுத்தியுள்ளது.
நேற்றைய விலையில் இருந்து இன்று தங்கம் ஒரு கிராமுக்கு 120 ரூபாயும் ஒரு சவரனுக்கு 960 ரூபாயும் உயர்ந்துள்ளது என்பதும் இன்னும் விலை அதிகரிக்க வாய்ப்பு இருப்பதாக கூறப்படுவது பெரும் அதிர்ச்சியை ஏற்படுத்தி உள்ளது. இந்த நிலையில் சென்னையில் இன்றைய தங்கம் மற்றும் வெள்ளி விலை குறித்த நிலவரங்களை பார்ப்போம்.
சென்னையில் ஆபரணத் தங்கத்தின் விலை இன்று ஒரு கிராம் 120 ரூபாய் உயர்ந்து 7,730 என விற்பனையாகிறது. அதேபோல் சென்னையில் ஆபரணத் தங்கம் ஒரு சவரன் 960 ரூபாய் உயர்ந்து விலை ரூபாய் 61,840 என விற்பனையாகி வருகிறது என்பது குறிப்பிடத்தக்கது.
சென்னையில் இன்று 24 காரட் தங்கம் விலை ஒரு கிராம் ரூபாய் 8,432 எனவும் ஒரு சவரன் ரூபாய் 67,456 எனவும் விற்பனையாகி வருகிறது. சென்னையில் இன்று வெள்ளியின் விலை ஒரு கிராம் ரூபாய் 107.00 எனவும், ஒரு கிலோ விலை ரூபாய் 107,000.00 எனவும் விற்பனையாகி வருகிறது.
