தங்கம் விலை கடந்த சில நாட்களாக ஏற்ற இறக்கத்துடன் இருந்து வந்த நிலையில், இன்று ஒரே நாளில் ஒரு சவரனுக்கு ரூ.1200 குறைந்துள்ளதாக தெரிவிக்கப்பட்டுள்ளது. இதனால் பொதுமக்கள் மகிழ்ச்சி அடைந்துள்ளனர். மேலும், தங்கம் விலை இன்னும் குறையும் வாய்ப்பு உள்ளதாக எதிர்பார்க்கப்படுகிறது.
இந்நிலையில், சென்னையில் இன்று தங்கம் மற்றும் வெள்ளியின் விலை நிலவரம் வருமாறு:
சென்னையில் நேற்று ஒரு கிராம் ஆபரண தங்கத்தின் விலை ரூ.9,130 இருந்தது. ஆனால் இன்று அது ரூ.8,980 ஆக குறைந்துள்ளது. அதேபோல், ஒரு சவரனின் விலை நேற்று ரூ.73,040 ஆக இருந்த நிலையில், இன்று அது ரூ.71,840 ஆக குறைந்துள்ளது.
24 கேரட் தூய தங்கத்தின் விலையும் குறைந்துள்ளது. நேற்று ஒரு கிராம் 24 கேரட் தங்கத்தின் விலை ரூ.9,960 ஆக இருந்தது; இன்று அது ரூ.9,796 ஆகவும், 8 கிராம் (ஒரு சவரன்) விலை ரூ.79,680 இலிருந்து ரூ.78,368 ஆகவும் குறைந்துள்ளது.
வெள்ளி விலையிலும் மாற்றம் காணப்படுகிறது. சென்னையில் இன்று ஒரு கிராம் வெள்ளி ரூ.117 எனவும், ஒரு கிலோ வெள்ளி ரூ.1,17,000 எனவும் விலை நிர்ணயிக்கப்பட்டுள்ளது.
தங்கம் விலையில் இவ்வாறு ஏற்பட்ட திடீர் வீழ்ச்சி, நுகர்வோர்களிடையே ஆர்வத்தை ஏற்படுத்தி, நகை வாங்கும் எண்ணத்தை ஊக்குவித்துள்ளதாக கூறப்படுகிறது.
