Publish Date: Wed, 19 Feb 2025 (09:53 IST)
Updated Date: Wed, 19 Feb 2025 (09:54 IST)
தங்கம் விலை கடந்த சில நாட்களாக ஏற்ற இறக்கத்துடன் இருந்து வரும் நிலையில் இன்று தங்கம் விலை மீண்டும் உயர்ந்துள்ளது. ஒரு கிராம் தங்கம் விலை 65 ரூபாயும் ஒரு சவரன் 520 ரூபாயும் உயர்ந்துள்ளது. தங்க விலை வரலாற்றில் முதல் முறையாக ஒரு கிராம் 8000 ரூபாய்க்கும் அதிகமாக விற்பனையாகி வருகிறது என்பதும் அதேபோல் ஒரு சவரன் தங்கம் விலை 64 ஆயிரத்தை தாண்டி விட்டது என்பது குறிப்பிடத்தக்கது.
இன்னும் ஒரு சில மாதங்கள் அல்லது ஆண்டுகளில் ஒரு கிராம் தங்கம் விலை 10 ஆயிரம் என்று உயரும் என நகை வியாபாரிகள் தெரிவித்து வருகின்றனர். இந்த நிலையில் இன்றைய தங்கம் விலை குறித்த நிலவரங்களை பார்ப்போம்.
சென்னையில் ஆபரணத் தங்கத்தின் விலை இன்று கிராமுக்கு 65 ரூபாய் உயர்ந்து ரூபாய் 8,035 என விற்பனையாகிறது. அதேபோல் சென்னையில் ஆபரணத் தங்கம் ஒரு சவரன் விலை ரூபாய் 520 உயர்ந்து ரூபாய் 64,280 என விற்பனையாகி வருகிறது என்பது குறிப்பிடத்தக்கது.
சென்னையில் இன்று 24 காரட் தங்கம் விலை ஒரு கிராம் ரூபாய் 8,765 எனவும் ஒரு சவரன் ரூபாய் 70,120 எனவும் விற்பனையாகி வருகிறது. சென்னையில் இன்று வெள்ளியின் விலை ஒரு கிராம் ரூபாய் 108.00 எனவும், ஒரு கிலோ விலை ரூபாய் 108,000.00 எனவும் விற்பனையாகி வருகிறது
