சியோமி நிறுவனத்தின் ரெட்மி பிராண்டின் இரண்டு ஸ்மார்ட்போன்களின் விலை உயர்த்தப்பட்டுள்ளதாக தெரிவிக்கப்பட்டுள்ளது.
இந்த ஆண்டு துவக்கத்தில் ரெட்மி 9 பவர் மற்றும் ரெட்மி 9ஏ ஸ்மார்ட்போன்கள் குறைந்த விலையில் அறிமுகம் ஆனது. தற்போது இந்த ஸ்மார்ட்போன்களின் விலை உயர்த்தப்பட்டுள்ளது.
அதன்படி ரெட்மி 9 பவர் ரூ. 500 அதிகரிக்கப்பட்டு தற்போது ரூ. 13,499 என்றும், ரெட்மி 9ஏ மாடல் விலை ரூ. 7,499-இல் இருந்து தற்போது ரூ. 7,799 என்றும் விற்பனை ஆகிறது.
இந்தியா முழுக்க உயர்த்தப்பட்டு இருக்கும் இந்த விலை உயர்வு ஆன்லைன் மற்றும் ஆப்லைன் தளங்களுக்கும் பொருந்தும் என்பது குறிப்பிடத்தக்கது.
