தினசரி நாம் சாப்பிடும் டிபன் வகைகளில் சத்தான காய்கறிகளை சேர்த்து செய்வது குழந்தைகளுக்கு நல்ல உடல் ஆரோக்கியத்தை அளிக்கும். ஊட்டச்சத்துகள் பல கொண்ட கேரட்டை கொண்டு கேரட் தோசை எப்படி செய்வது என பார்க்கலாம்.
தேவையான பொருட்கள்: இட்லி அரிசி, உளுந்து, கேரட், எண்ணெய், உப்பு தேவையான அளவு.
அரிசியையும், உளுந்தையும் தனித்தனியாக 3 மணி நேரம் நன்றாக ஊறவைத்து அரைத்துக் கொள்ள வேண்டும்.
மையாக அரைத்து இரண்டு மாவையும் கலந்து அதில் தேவையான அளவு உப்பு சேர்த்து புளிப்பதற்காக கொஞ்ச நேரம் வைக்க வேண்டும்.
கேரட்டை பெரிய பெரிய துண்டுகளாக வெட்டி மிக்ஸியில் போட்டு அரைத்துக் கொள்ள வேண்டும்.
அரைக்கும்போது முழுவதும் மாவு போல அரைத்து விடாமல் கேரட் பிசிறாக வரும்படி லைட்டாக அரைத்துக் கொள்ள வேண்டும்.
பின்னர் அதை மாவுடன் கலந்துக் கொள்ள வேண்டும். இப்போது மாவு பொன் சிவப்பு நிறத்தில் மாறியிருக்கும்.
தோசைக் கல்லை அடுப்பில் வைத்து எண்ணெய் விட்டு வழக்கமாக தோசை சுடுவது போல சுட்டெடுக்கலாம்.
கேரட் தோசைக்கு தேங்காய் சட்னி, சாம்பார் சேர்த்து சாப்பிட்டால் நல்ல ருசியாக இருக்கும். குழந்தைகளுக்கும் ஆரோக்கியம்.