விரைவில் திருமண யோகம் கைகூட வேண்டுமா? இந்த முருகன் கோவிலுக்கு உடனே போங்க..!

மயிலம் முருகன் கோயில், சமீபத்தில் பக்தர்களிடையே பெரும் வரவேற்பை பெற்றிருக்கிறது. "இங்கே சென்று வழிபட்டால் விரைவில் திருமண யோகம் கைகூடும், வேண்டிய காரியம் வெற்றிபெறும்" என்ற நம்பிக்கையால் பக்தர்கள் திரளாக வருகிறார்கள்.

சென்னை–திருச்சி நெடுஞ்சாலையில் திண்டிவனத்தை கடந்தவுடன், மயிலம் கிராமம் எளிதில் அடையலாம். மெயின் பஜாரில் இருந்து பார்த்தவுடன், மலைமீது அமர்ந்திருக்கும் முருகப்பெருமான் கோயில் நம்மை வரவேற்கும். திண்டிவனம்–திருப்பாதிரிபுலியூர் சாலையைத் தொடர்ந்தால், கோவிலுக்கு செல்லும் வழி மிகச் சிறப்பாக அமைந்துள்ளது. மயிலத்தின் அடிவாரத்தில் இருந்து மலைக்குச் செல்லும் சாலை வழியாக வரும்போது, தெற்குப் பிரவேச வாயிலில் நுழையலாம்.

இந்தக் கோவிலின் முதன்மை வாயில் கிழக்கு முகமாக இருந்தாலும், பொதுவாக அது மூடப்பட்டிருப்பதால் தெற்குக் கோபுர வழியாகவே நுழையவேண்டும். உள்ளே நுழைந்தவுடன், விநாயகர் சன்னதி நம்மை வரவேற்கிறது. தெற்குப் பகுதியில் விசாலாட்சி விஸ்வநாதரை பால சித்தருடன் இணைந்த வடிவில் காணலாம். முருகர், வள்ளியும் தெய்வானையும் துணையாகக் கொண்டு கிழக்கை நோக்கி கல்யாண கோலத்தில் வீற்றிருக்கிறார்; அவருடைய மயில் வாகனம் வடக்கு நோக்கி உள்ளது.

இங்கு பங்குனி மாதத்தில் பிரம்மோற்சவமும், தைப்பூசத் திருவிழாவும் விமரிசையாகக் கொண்டாடப்படுகின்றன. இரண்டிலும் தங்க மயில் வாகனத்தில் வீதியுலா வரும் முருகனைப் பார்ப்பது பக்தர்களுக்கு மறக்கமுடியாத தரிசனமாக அமைகிறது.

Edited by Mahendran