ஜியோவுடனான போட்டியை பலப்படுத்த மற்ற நெட்வொர்க் நிறுவனங்கள் புது சலுகைகளையும் மாற்றி அமைக்கப்பட்ட சலுகைகளையும் வழங்கி வருகின்றன.
அந்த வகையில், வோடபோன் தனது போஸ்ட்பெயிட் சலுகைகளை மாற்றியமைத்து இருக்கிறது. வோடபோன் ரெட் பேசிக் சலுகையை ரெட் என்டர்டெயின்மென்ட் என பெயர் மாற்றப்பட்டு சலுகை வழங்கப்படுகிறது.
மாற்றியமைக்கப்பட்ட சலுகையில் பயனர்களுக்கு 40 ஜிபி 3ஜி / 4ஜி டேட்டா, அன்லிமிட்டெட் அழைப்புகள், ரோமிங் வழங்கப்படுகிறது, முன்னதாக இந்த திட்டத்தில் 20 ஜிபி டேட்டா வழங்கப்பட்டது.
மேலும், 200 ஜிபி வரை டேட்டா ரோல் ஓவர், ஒரு வருட வோடபோன் பிளே சந்தா, ஒரு வருட அமேசான் பிரைம் சந்தா உள்ளிட்டவை வழங்கப்படுகிறது.
அதே போல், வோடபோன் ரெட் டிராவலர் ரூ.499 திட்டம் தற்சமயம் ரெட் என்டர்டெயின்மென்ட் பிளஸ் என பெயர் மாற்றப்பட்டுள்ளது. இதில் 75 ஜிபி டேட்டா வழங்கப்படுகிறது. மேலும், ரெட் என்டர்டெயின்மென்ட் சலுகையில் வழங்கப்படும் சேவைகள் வழங்கப்படுகிறது.
